வால் நட்சத்திரத்தின் ‘வால்’ எப்படித் தோன்றுகிறது ???

வால் நட்சத்திரத்தின் ‘வால்’ எப்படித் தோன்றுகிறது?

வால்நட்சத்திரம் என்பது பனிக்கட்டியைப் போன்றது. இதில் தூசு, மண், பாறைகள், பல வகை வாயுக்கள் போன்றவையும் இருக்கும். சூரிய மண்டலத்தின் எல்லையில், சூரியனிலிருந்து வெகு தொலைவில் இருக்கும்போது வால் நட்சத்திரத்துக்கு வால் இருக்காது. தலை மட்டுமே இருக்கும். சூரியனைச் சுற்றிவிட்டு, மீண்டும் சூரிய மண்டலத்துக்குள் நுழைந்து, சூரியனை நோக்கிச் செல்லும் போது தான் வால் உருவாகும்.
சூரியனின் ஈர்ப்பு விசையால் வேகம் அதிகரிக்கிறது. சூரியனின் வெப்பமும் சூரியனில் இருந்து வெளிப்படும் ஆற்றல் மிக்கத் துகள்களும் வால்நட்சத்திரத்தைத் தாக்க ஆரம்பிக்கும் போது, அவற்றிலுள்ள தூசுகளும் வாயுக்களும் வெளியேறுகின்றன. அப்போது இந்த வால் போன்ற பகுதி தோன்றுகிறது. சூரியனைச் சுற்றிவிட்டு, வெகு தொலைவுக்குச் செல்லும்போது வால் மறைந்துவிடுகிறது. அதாவது சூரியனுக்கு அருகில் வரும்போது வால் தோன்றுகிறது, தொலைவில் இருக்கும் போது வால் மறைந்துவிடுகிறது,

 

        தமிழால் இணைவோம் !!!
         அறிவால் உயர்வோம் !!!
                  தமிழ் வாழ்க !!!
     அறிவியலின் தேடல் தொடரும்.
               வலியே  " வலிமை "
        - அய்யனார் (வால்வரின்)..