suspend / Suspense என்ற ஆங்கில சொல்லுக்கு உரிய தமிழ் சொல்.

 சஸ்பென்ஸ் என்ற ஆங்கிலச் சொல்லின் சரியான பொருளை முதலில் உள்வாங்கிப் பின்னர் அதற்கு ஈடான தமிழ்ச் சொல்லைத் தேடுவோம்.

ஒரு குறிப்பிட்ட செயலை தாமதிப்பதன் மூலம் , ஒத்தி வைப்பதன் மூலம் அல்லது தற்காலிகமாக நிறுத்துவதன் மூலம், அடுத்து என்ன நடக்கக்கூடும் என்ற ஆர்வத்தை தூண்டும் ஒரு நிச்சயமற்ற நிலை அல்லது உணர்வைக் குறிப்பதே - சஸ்பென்ஸ்.

அதாவது நிலையற்ற ஊசலாட்டத்தைக் குறிப்பது; மதில் மேல் பூனை போல இரண்டுங் கெட்டான் நிலை.

சஸ்பெண்ட் ( to suspend ) - என்றால் தொங்கல், தொங்க விடுதல் என்று பொருள். (தொங்க விடப்படும் எதுவும் ஊசலாடுவது இயல்பே! ஊசலாட்டம் என்பது தொங்கினால் மட்டுமே சாத்தியம்). தொங்கிக் கொண்டிருப்பதே ஊசலாடும். எந்தப் பக்கத்திலும் நிலை கொள்ளாமல் ஆட்டம் காணுவதே ஊஞ்சலின் பண்பு.

எனவே Suspense என்ற சொல்லுக்குப் பொருத்தமான தமிழ்ச் சொல்லாக
" தொங்கல்" என்பதைப் பயன்படுத்தலாம்.

இன்றைக்கும் கிராமங்களில் வாழும் எளிய மனிதர்களின் பேச்சில்... இரண்டுங் கெட்டான் நிலையை பற்றிய மிக எளிய சொல்லாடலாக
"தொங்கல்ல விட்டு விட்டார்!" என்ற வழக்கை காண முடியும்.

இந்த பதிவுகளை வழங்கிய தோழர் திரு.இரவீந்திரன் சிவன் அவர்களுக்கு , மிக்க நன்றி !!!

           தமிழால் இணைவோம் !!!
              அறிவால் உயர்வோம் !!!
                        தமிழ் வாழ்க !!!
     அறிவியலின் தேடல் தொடரும்.
               வலியே  " வலிமை "
        - அய்யனார் (வால்வரின்)..