{ Iyyanar wolverine information } அய்யனார் வால்வரின் தகவல் களஞ்சியம்

யாம் அறிந்த அறிவியல் தகவல்களை அனைவரும் அறிய வேண்டும். கற்போம் கற்பிப்போம். " வரலாறு என்ற ஒன்றை பதிவு செய்யாத எந்த இனமும் , தன்னை நிலை நிறுத்திக்கொள்ள இயலாது " தமிழ் வளர்க !!! தமிழன் வாழ்க !!! " வலியே வலிமை " -அய்யனார் (வால்வரின்). +919094316687. இலெமூரியா கண்டம். கோட்பாடு : { அறிவை வளர்க்கவும் , அறிவை பரப்பவும் , அதை தக்க வைக்கவும் !!! எல்லாரும் சேர்ந்து உலகில் உள்ள சோதனைகளை , சாதனைகளாக மாற்றுவது. }

Saturday, 21 November 2020

ஆண் குழந்தைகளுக்கும் பெண் குழந்தைகளுக்கும் சூட்டக்கூடிய சிறந்த தமிழ்ப் பெயர்கள்.

கீழுள்ள பெயர்களில் பெரும்பாலானவை 90 விழுக்காடு [நல்ல தமிழ்ப்பெயர்கள்] என்ற முகநூல் பக்கத்தில் இருந்து எடுக்கப்பட்டவை.
மிகுதி 10 விழுக்காடு அகழ்வாய்வில் கிடைக்கப்பட்ட பெயர்கள்.
தமிழர்கள் அனைவரும் தூயதமிழ்ப் பெயர்களை பயன்படுத்துமாறு வேண்டுகிறேன்.

ஆண் குழந்தைகளின் பெயர்.

திசன் : ஈழத்தையும், தமிழ்நாட்டையும் ஒன்றிணைக்கும் பெயர் “திசன்” தமிழர்கள் இப்பெயரைத் தொலைத்துவிட்டார்கள். அகழாய்வு செய்த இடங்களில் குறிப்பாக தமிழ்நாட்டில் [கீழடியிலும், நெல்லையிலும்], ஈழத்தில் [திருகோணமலையிலும், அம்பாறையிலும்] கிடைத்த பெயர்களில் ஒன்று திசன்.
திசன் மிகல் : எல்லை மிகுந்தவன், பல பக்க (திசை) எல்லைகளையும் வென்ற வெற்றி வீரன்! பேரரசன் என்று பொருள்.
ஆதன் : வானவன், விண்ணவன், அருகக் கடவுள், ஆன்மா என்று பொருள்படும் ஆனால் பிற்காலத்தில் இந்த பெயரை தவறாகவும் பயன்படுத்தினர் குருடன், அறிவில்லாதவன் என்று. உண்மையில் ஆதன் மிகச்சிறந்த பெயர் 3000 ஆண்டுகள் பழமையான பெயர்.
ஆதன், சேந்தன், உதிரன், இயனன், குவிரன் இத்தனை பெயர்களும் கீழடியில் கிடைக்கப்பெற்ற பெயர்கள். இப்பெயர்கள் 4000, 5000 ஆண்டுகளுக்கு மேல் பழமையானவை.
கோவிலோன் : பொருள், தலைவன்.
அணன் : பொருள், சிறந்தவன், உயர்ந்தவன்.

துகிலன் : பொருள், பாற்கடலில் பள்ளிக்கொண்டிருப்பவன்.

மேகோன் : பொருள், மேன்மை தாங்கிய அரசன்.

மேன்மன் : பொருள், மேன்மை + மன்= மேன்மன்; மன் என்றால் ஆக்கம் என்றுப் பொருள். மேன்மையான ஆக்கம் நிறைந்தவன் என்று பொருள் கொள்ளலாம்.

புலிக்கோ : பொருள், புலிக்கொடி வேந்தன்.

விண்கோ : பொருள், விண்ணின் அரசன்.

நகுன் : பொருள், நகும் என்கின்ற சொல்லின் கடைப்போலி தான் நகுன். நகும் என்றால் மகிழ்ச்சி, புன்னகை என்றுப் பொருள்.

அவிரன் : பொருள், அவிர் + அன் = அவிரன் ; பேரோளியானவன்.

ஆரோன் (ஆர் + ஓன்) : பொருள், அடங்கா வீரன்.

நேமியோன் : பொருள், கடல் பரப்பின் அரசன்.

மூவன் : பொருள், சங்கக் காலத்தில் வாழ்ந்த ஒரு தமிழ் மன்னன்.

மயிலோன் : பொருள், மயிலைப் போன்றவன்.

கயலன் : பொருள், கடல் அரசன்.

மிகன் : பொருள், பெருமை மிக்கவன்.

மரியான் : பொருள், இறப்பே இல்லாதவன்.

ஒளிவியன் : பொருள், பேரொளியும் பேராற்றலும் உடையவன்.

இமயவரம்பன் : பொருள், இமயம் வரை ஆட்சி செய்தவன்.

புவிநன் : பொருள், உலகை வழி நடத்துபவன்.

இன்பசேரன் : பொருள், மகிழ் நிறைந்தவன்.
நவிலோன் : பொருள், பேச்சாற்றல் உடையவன்.

யாழ்வன் : பொருள், யாழை [இசைக் கருவி] மீட்டுவதில் சிறந்தவன்.

அதியமான் : பொருள், சங்கக் கால அரசர்களில் ஒருவன்.

வேனிற்கோ : பொருள், வசந்தக் காலத்தின் அரசன்.

மிளிரன் : பொருள், அழகாய் மிளிருபவன்.

சேயோன் : பொருள், தொன்மையானவன்.

ஆழிவன் : பொருள், கடல் பரப்பை ஆட்சி செய்கின்றவன்.

இளவல் : பொருள், இளவரசன், இளையமன்னன்.
குறளரசன் : பொருள், திருவள்ளுவரின் மற்றொரு பெயர்.

சேரலாதன் : பொருள், சேரர் மன்னர்களில் ஒருவன்.

கரிகாலன் : பொருள், சோழ மன்னர்களில் ஒருவன்.

உரன் : பொருள், திறந்மிக்கவன், வலிமைமிக்கவன்.

வியன் : பொருள், பெருமைமிக்கவன்.

பெண் பழகுழந்தைகளின் பெயர்.

நகுநா : பொருள், நகு என்றால் சிரிப்பு என்றுப் பொருள், நா என்றால் நெற்கதிர் என்றுப் பொருள், நகுநா என்றால் சிரிக்கும் நெற்கதிர் என்று பொருள் கொள்ளலாம்.
மாரிகா : பொருள், மழையின் சோலை.