தமிழர்கள் உலகம் உருண்டையானதென்பதை பழங்காலத்தில் கூறிகிறார்கள்

அருளாளர் மாணிக்கவாசகர் அருளிய திருவாசகம் - “திரு அண்டப்பகுதி”(இணைக்குறளாசிரியப்பா - 182 வரிகள்) முதல் ஐந்து வரிகள்:

“அண்டப்பகுதியின் உண்டைப் பிறக்கம்

அளப்பருந்தன்மை வளப்பெருங் காட்சி

ஒன்றனுக்கொன்று நின்றெழில் பகரின்

நூற்றொரு கோடியின் மேற்பட விரிந்தன

இல்நுழை கதிரின் துன்னணுப் புரைய…”

அருஞ்சொல் பதவுரை:

அண்டம் - பெருவெளி, பிரபஞ்சம், Cosmos

உண்டை - உருண்டை, கோளம், கோள், Sphere

பிறக்கம் - (ஒளி பொருந்திய) பிறப்பு, தோற்றம், Birth

அளப்பருந்தன்மை - அளத்தற்கரிய

ஒன்றனுக்கு ஒன்று நின்று எழில் பகரின் - கோள்கள் ஒன்றை ஒன்று ஈர்த்து அழகாக நிலைத்துச் சுற்றி வரும் நேர்த்தி, Gravitational pull, self rotation & orbiting around the Sun, stars, galaxy

நூற்றொரு கோடியின் மேற்பட விரிந்தன - எண்ணிலடங்கா விண்மீன்களும், கோள்களும் trillions and billions of stars and planets.

இல்நுழை கதிரின் துன்னணுப் புரைய… Like the dust particles in a beam of light passing through a hole in the (tiled) roof.

ஆயிரத்து எண்ணூறு ஆண்டுகளுக்கு முன்னர் மாணிக்கவாசகரின் இறையியல் சிந்தனையின் வெளிப்பாடாக இன்றைக்கும் மதித்து ஏற்றுக்கொள்ளக் கூடிய அண்டவியலையும்(Cosmology), வானியலையும்(Astronomy) துல்லியமாகப் பதிவு செய்துள்ளார். இறையியல் மூடநம்பிக்கை என்று முழங்குபவர்கள் சிந்தித்துத் தெளிவு பெறுதல் அவசியம்.